Uyise ka-Anele, uMnuz Moses Tembe ugonyuluka ngo-AKA owayethandana nendodakazi yakhe futhi ingumkhwenyana kuyena njengoba zasezivele ziqalile izingxoxo zamalobolo.
Kuze kube imanje akekho osaboshiwe ngokufa kuka-Anele okuthiwa waziphonsa phansi ebhilidini elithile eKapa kanti wagcina ukubonakala ehamba no- AKA naye obulawe ngase Wish, eMorningside, eThekwini ngo-April wonyaka odlule 2023.
Lapha uTembe uchaza ngendlela ayemthanda ngayo u-AKA owayengumculi weHip Hop. Uveza nokuthi babelindele ukuthi u-AKA abizwe azohlonywa ngemibuzo kwazise uyena owagcina ukubonakala no-Anele.
Asekhona amadoda ayisikhombisa aboshiwe ngokufa kuka-AKA. Amabili aseSwatini kulungiselelwa ukuthi abuye azoboshelwa kuleli laseNingizimu Afrika. Ngakolunye uhlangothi sekuphele iminyaka emithathu engekho oboshiwe ngokufa kuka Anele.
